Stress Ball Mode

Ang aga-aga, isang malaking GRRR na kaagad. Nakakainis talaga. Wala pang 7:30 ng umaga, nakaupo lang naman ako sa kama, hawak ko yung fone ko na kasasaksak ko lang para i-charge, akalain mong nagawan pa iyon ng issue? "Ano ba yan? Puro na lang sa lalaki umiikot yan buhay mo. Magasawa na nga kayo! Kapag oras ng pagaayos para sa pagpasok mo sa trabaho 'wag mo na haluan ng panlalalaki mo. Mahirap humanap ng trabaho ngayon, tapos lagi kang late!" WTF? 7:30 pa lang ng umaga, anong oras ba ako umaalis ng bahay? 9:30. Sakto na yon para dumating ng saktong 10:00 sa office. Hayzz.

Pero kasi ganito ang pinaghugutan niyan eh. Kahapon kasi pumunta si AJ ng maaga sa bahay, may dalang pancakes galing sa Pancake House. Gabi pa lang kasi sabi na niya breakfast daw kami ng sabay, pero akala ko drawing lang yon, hindi pala. Katext ko pa siya bago ako bumangon nun sa kama, at wala talagang kahint-hint na bigla na lang siyang dadating dun sa bahay na may dalang pancakes. Dumating siya siguro mga bago mag-8 ng umaga.

Eto kasi yung normal morning routine ko. 6 pa lang tumutunog na yung alarm clock ng fone ko. Babangon ako kaagad pero actually lilipat lang ako ng kwarto sa 2nd floor, dun sa kwarto talaga namin. Kapag kasi nagpaabot pa ako sa kwarto sa baba ng mga 7 uuratin na ko ng nanay ko sa pagising sa akin. Pagkalipat ko sa 2nd floor matutulog ulit ako hanggang mga 8:30 tapos direcho ligo, bihis, pasok. Usually sa office na ko nagbre-breakfast kasi oatmeal lang tinatangap ng tiyan ko sa umaga tsaka wheat bread.

So ayon nga. Eh 'di sabay nga kami nagbreakfast dun sa bahay namin. Hindi naman ako masyadong worried sa time kasi nga ang aga-aga pa naman. Siyempre, alam ko naman ang oras ko 'di ba? So natapos kami magbreakfast mga 9, manonood din kasi siya ng laro ng Lakers at Celtics habang naliligo ako. Eh bago pa ako maligo tinignan ko muna yung opening chuvaness nung game. Sa akin, alam ko naman kasi na 20 minutes lang ako maligo so hindi pa rin ako worried sa time kahit na 9 na nun, tsaka usual p ngang start ng pagligo ko kapag wala si AJ mga 9:15 pa nga eh. So ayon nga, tinignan ko muna yung opening kalandian nung game, sakto biglang umakyat si Ma. Gulat na gulat siya dahil hindi pa ako nakakaligo. Nagalit pa siya sa akin, "Ano ba talaga masmahalaga sayo? Magasawa na nga kayo! Ang hirap hirap maghanap ng trabaho, ayus-ayusin mo nga buhay mo!" Woot! Eh kung tutuusin nga ang ang aga pa nun, 9 pa lang, eh yung normal nga na ligo ko 9:15 minsan nga 9:30 na. Hayzz lang. Nung umalis nga kami ni AJ ilang minutes earlier pa yun sa usual na alis ko kapag umaga. Ang aga pa nga namin dumating ng office eh, considering na tumayo pa kami ng matagal dun sa may tawiran sa Countryside dahil may pinagdiskusyunan pa kami. Aheheh.

Grr lang. Nakakainis. Parang naging obligasyon ko na kasi sa bahay na saluhin lahat ng init ng ulo ng nanay ko. Tuwing na lang kasi mainit ulo niya sa akin kaagad siya pumupunta at isesermon lahat ng pwede niyang isermon sa akin, ultimo mga dapat niyang isermon sa iba niyang anak sa akin pa rin minsan sinesermon. Hayzz. Ang hirap talaga ng hindi sumasagot sa nagsesermon na nanay kahit most of the time hindi na naman talaga tama yung sinasabi niya. Hayzz lang. Tapos samahan mo pa ng mga kapatid na minsan na nga lang makakasalo ng galit ni Ma magagalit pa sa akin na parang obligasyon ko talaga na saluhin yung mga galit na yun. Hayzz. Ang dami ko pa sanang gustong sabihin, naghihimutok na naman yung dibdib ko kaya lang sa dami nun baka bukas ko pa ito ma-post. Grr kasi talaga. Lalo ko na naman tuloy gustong lumipat ng office na may malaking sweldo para makapag-move out na ako. Hayzz. Hayzz lang talaga.